top of page

Si'itia le tomai i le fa'atinoina o galuega fa'a Tineimu.




E toa 74 le aofai atoa o ali'i ma tama'ita'i o le Pulega o Tineimu ua fa'auuina ina ua maea lelei ona fa'atino le fa'agasologa oni a'oa'oga sa fa'atinoina e le APTC tauala mai i le Ofisa Mualuga o le Komesina o Ausetalia i Samoa nei i le la faiga pa'aga ma le Pulega a le Tineimu (SFESA) a Samoa.


O 23 o i latou ua fa'auuina ini tusi tauoloa e ala i nei a'aoa'oga sa feagai o tama'ita'i ae o leisi 51 o ali'i, o nei a'oa'oga e aofia ai le numera ma le toe si'itia o le tomai i le gagana e fa'aoga i taimi o galuega fa'atineimu e le gata i le a o le toe fa'atotogaina ma le toe si'itia o le silafia o ali'i ma tama'ita'i tineumu i le fa'atinoina o le fesoasoani muamua po'o le Firt Aid i taimi o fa'alavelave ma taimi e man'omia i ona fa'atino i lona fa'atinoga sa'o ma le tatau, fa'apea ai ma vaega eseese e tatau ona ofoina ma tali atu ai le auaunaga i le mamalu lautele o le atunu'u i taimi o fa'afitauli ma so'o se taimi e mana'omia ai.


O le afioga i sui Komesina maualuga o le malo o Ausetalia i Samoa le tama'ita'i o Claire McGeechan sa saunoa e fa'afetaia sui uma e 74 mai le pulega o le Tineimu sa auai i nei a'oa'oga sa matua fa'afetaia tama'ita'i e 23 lea sa auai mai i le 74 o i latou ona o le lava papale ma le onosai lea ua fa'aiuina manuia le taumafaiga ma le fa'amoemoe sa feagai ai.


Na apoapoai fo'i Claire McGeechan i le vasega o le au fa'auu ina ia fa'aoga tatau le tomai ma le silafia aua le fa'atinoina o galuega ma ia fa'aoga loa i totonu o ofisa ma le siosiomaga o lo'o galulue ai.


O le taua o nei fesoasoani tau a'oa'oga mo le pulega ma le aufaigaluega o le pulega o le Tineimu o le a matua si'itia maualuga ai le iloa ma le silafia o ali'i ma tama'ita'i Tineimu i le fa'atinoina o a latou galuega i so'o se vaega, o le sologa lelei ma le si'itia fo'i lea o le auaunaga ale pulega o le Tinei a Samoa i le tali atu ai i taimi o fa'afitauli ma fa'alavelave tutupu fa'afuase'i aua le malu ma le soigua manuia o tagata nu'u uma o Samoa.

20 views

Comments


bottom of page