Tusia: Lauano Demetrius Ah Mau.
O le taeao nei na fa’atino ai e le Ofisa o Leoleo I Savaii se sailiga o laau fa’asāina i se vaega o fauna ma eleele o le afioaga o Saleula.
E tusa ma se pepa o faamatalaga ua fa’asalalauina faalauaitele I luga o upega tafailagi e le itulau a le Ofisa o Leoleo, ua faailoa ai e oo atu I le 200 ni laau mariuana o se laau malosi ma ni ututau sa mafai ona maua mai i le osofaiga a leoleo.
I lea lava osofaiga ua taofia mai ai e leoleo ni ali’I se to’alua e 43 tausaga o Saleaula ma Mauga ae 40 tausaga leisi mai pe afioaga o Samalaeulu e toalua iai laua na maua e leoleo I lenei sailiga.
O lo’o taofia nei alii I lalo o le vavaiga a leoleo ao faagasolo ai suesuega I lenei mataupu.
I se vaega o pepa o faamatalaga mai le Ofisa o Leoleo o lol momoli ai le faafetai a le Ofisa I le mamalu o le atunu’u faapea pulega a Alii ma Faipule e ala I le lagolagosua ile ripotia o mataupu faapenei I le matagaluega.