21 Setema 2022
PC: Google Yale 360.
Ua fa’aalia nei e ni isi o Kamupani latou te ‘aumaia ma kilivaina uta fa’amomoli i Samoa le tulaga ua tuai ai ona taunu'u le tele o va'a oloa i Samoa nei ona o se fa’afitauli tau suau'u e fa’aaogaina e utu ai va’a.
O lenei fa’afitauli ua le nao va’alalo ua a’afia ai ae ua fa’apena foi i va’alele savili, o le tula’i mai ai o lenei fa’afitauli ua ‘a’afia ai fo’i ma le taunu'u mai o isi oloa manaomia i luga o fata fa’atau o faleoloa.
PC: Google FMF
I le asiasiga a le Blutv i le Aso Lua i nisi o faleoloa ma supamaketi i Samoa na maua ai le sioki o le oloa o le falaoamata, na fesiligia mafua’aga ae o le tali ua tuai na taunu'u le sapalai mai fafo.
E leo se taimi muamua lenei ua tulai mai ai fa’afitauli o sioki o nisi o oloa i Samoa, ile tausaga foi 2020 na molimauina ai fo’i le sioki tele na iai le ‘oloa o le aniani i Samoa ona o le fa’afitauli lava ile tuai ona taunuu o uta fa’amomoli o lo’o malaga ma i Va’ala’u oloa mai atunuu i fafo.
E le’i manuia taumafaiga i le Minisita e o lo’o nafa ma le mata’ituina o le matagaluega o tiute e tusa o lenei mata’upu.
I le tula’i mai ai pea o fa’afitauli nei e toe manatua ai pea le taumafaiga o lo'o taumafai ai le matagaluega o fa’atoaga ina ia fa’amalosia tagata ma faifaatoaga i le toe faia o ma’umaga aemaise o lafumanu e mafai ai ona tali atu ai pea ini fa’afitauli i le fa'aletonu o Sapalai mai fafo.
