top of page

Su’esu’e e leoleo mata’upu i le tino maliu na maua i Vaigaga.

20 Iulai 2022



Ua amata nei su’esu’ega a le matagaluega o leoleo is e tino maliu o se tamā na maua i le afio’aga o Vaigaga i le fa’ai’uga o le vaiaso na te’a nei.


Na fa’amaonia mai e le afioga i le ali’i Komesina o leoleo le tofa ia ‘Au’apa’au Logo’itino Filipo i sana feiloa’iga ma le ‘au tusitala i le vaiaso nei ma na ta’ua e le ali’i Komesina, o le tama e i le va o le 60 tausaga le matua o le soifua.


I le saunoaga a le Komesina o leoleo ma falepuipui, na maua e le ofisa o leoleo se ripoti ma i nisi o le tagata o le nu’u o Vaigaga, le taeao lea o le Aso To’ona’i ma fa’apena ai loa ona aga’i iai le matagaluega o leoleo ma silasila iai.


O le tino o le tama nei ua fa’apena ona ta’oto nei i le falemaliu i le maota gasegase o Tupua Tamasese Mea’ole i Moto’otua e fa’atali ai ona togafitiga fa’apitoa mo le sa’ilia o lona maliu lilo.


E iai le fa’amoemoe e ono fa’atuai le faatinoina o nei togafitiga ona o le tulaga faigata e le’o iai se foma’i fa’apitoa i Samoa na te faia nei itu’aiga siaki ma togafitiga i se tagata na maliu e le’i iloa lona mafuaaga.


O le tausaga ua tuana’i ile 2021 na iai fo’i se tasi o mata’upu fa’apenei i se tino na maua i se ma’umaga i le nu’u o Moamoa lea fo’i sa agai iai le ofisa o leoleo ma fai ai fo’i a latou su’esu’ega masani.



331 views

Comments


bottom of page