PC: Taunuuga Tutoatasi/ Savali Newspaper.
Ua aloa'ia ma amatalia le auaunaga a le Ofisa Sili po'o le Fa'atonu Sili fou a le Komisi o Tulāfono a Samoa iā Tufuga Fagaloa Leti Seto Tufuga.
O le Afioga i le Minisitā o le Matāgaluega o Fa’amasinoga ma Matā’upu Tau Fa’amasinoga iā Matamua Seumanu Vasati Sili Pulufana, sa fa'afeiloa'ia le Ofisa Sili.
O le tausaga nei i le mā'ea o le 2 tausaga talu ona avanoa lea tofiga, na fa'ato'ā tōfia ai e le Kapeneta le isi faauluuluga o lea Komisi, o le tamaitai ia Telei'ai Dr. Lalotoa Mulitalo sa tauaveina lea tofiga tāua a le mālō.
O le tausaga e 2008 na fa'avaeina ai lenei Ofisa ma sa uluai tōfia ai le Tamaitai, o le uluai taimi lenei talu ona faavae le Komisi o le Toe Fuataiina o Tulāfono, ua tōfia ai se ali'i.
O le fa'amanatu a le Minisitā, o le tofiga lenei ma soo se tofiga lava i Matāgaluega a le Mālō, e matuā manaomia ai lava tagata faamaoni ma alolofa i tagatanuu o Samoa.
Na momoli foi le faafetai a le tamaitai Minisitā i Ofisa Sili Lagolago sa latpu tauaveameaina tiute eseese a le Komisi i le lata i le 2 tausaga o Avanoa le nofo o le Ofisa sili.
Na maua foi le laolao e faafetai ai e Tufuga le amanaia a le mālō ma le faatuatuaga e faatino ma faaauau ai le tautua aemaise lava o le tauaveina o ia tofiga tāua.