top of page

Talanoa 'e le Kapeneta le 'ave'esea ai o le toe faia o Siaki koviti i malaeva'alele.

20 Setema 2022


Ua i luma nei o le laulauafono a le Kapeneta le mata'upu i le talanoaina lea o le ave'esea o vaega manaomia mo siaki i tui puipui o le Koviti 19 pe'a malaga mai i Samoa.


Na fa'amaonia mai 'ese tasi o Minisita o le Kapeneta, o se tasi lenei o mata'upu lea ua talanoaina i le taimi lenei ina ia mafai ona toe fo'i lava Samoa i tulaga masani o femalagaina ina 'ia aua nei toe mana'omia ni pepa fa'atumu mo siaki o le Koviti 19 ile malaeva'alele pe'a taunu'u mai i laufanua ole atunu'u.


E le'i mautinoa pe o le'a pasia lenei mata'upu 'ae o lea ua fa'agasolo fa'atalanoa nei i le fono a le Kapeneta.


O lo'o i Kanata le tama'ita'i Palemia o Samoa i le fonotagata a malo o le taupulega, o lo'o iai nei le fa'amoemoe o le mae'a ai o lenei fonotaga fa'avaomalo o le'a toe taliu mai ai i fanua ma o le taimi nei o lo'o ta'ita'ia e le sui Palemia afioga Tuala Iosefo Ponifasio le malo.



コメント


bottom of page