top of page

Tali mai le Emirates talu mai le fitu tausaga na talosaga ai.

12 Oketopa 2022

Photo Credit: Facebook- Samoa Government.


Na ‘auai le afioga i le ali’i Minisitā o Galuega ma Felaua’iga a Sāmoa, Hon ‘Olo Fiti ‘Afoa Vā’ai i le fonotaga fa’aletausaga mo Va’alele Savili i le mālō o Kanata e pei ona iai le vaiaso ua tuana’i.


O le afiafi ole Aso Gafua na toe fo'i mai ai le faigamalaga ale Minisitā ma lana ‘aumalaga ma to'ai taunu’u ai i Ni’u Sila.


I le afiafi ole Aso Lua 11 Oketopa 2022 na maua ai le avanoa ‘ale afioga ile Minisitā ia ‘Olo Fiti Afoa Vā’ai ma lana ‘aumalaga i luga ole polokalame ‘ale Tautai A'e i Ni’u Sila.


Na fa’amanino e le afioga iā ‘Olo Fiti ‘Afoa Vā’ai, ole fonotaga lenei e toe iloilo ai ni faiga fa’avae o tulaga o aiaiga ma tulāfono o femalaga’ina fa'avaomālō ile vāteatea.


E lē gata ole toe iloiloina o faiga fa’avae ‘ae ‘ole toe palotaina male tōfiaina o sui ‘auai po’o sui fa’atonu ole Komiti fa’afoe o ‘i lātou olo’o ile vāega lenei o fa'alāpotopotoga mo va'alele savili.


O le isi vāega sa aofia ile malaga lenei, ole sainia ina lea ole feagaiga mole kamupanī va'alele ale Emirates i le atu ‘Arapi lea ‘ua aloa’ia ai nei ‘ona fa'apa'aga ma Sāmoa e mafai ai ona felelei mai ai va'alele ‘a Arapi i Samoa.


‘O se tasi o fuafuaga sa fuafuaina i faigāmalo ua tuana'i mole fitu tausaga peita'i e le'i mafai ona taunu'u ma ‘ile aga'i mai ai totonu ole faigāmālō fou ua iai nei sa maua ai le avanoa e toe āsia ai ele ‘afioga ile Minisitā o Galuega ma Va’alele Savili ua iai nei ia le Tofā ia ‘Olo Fiti ‘Afoa Vā'ai.


Na toe tusi talosaga le Minisitā o Galuega i le kamupanī va'alele nei ale Emirates i Arapi ma mafai ai loa ona tatala mai ai lenei avanoa lea sa maua ai loa le avanoa e malaga ai ile fono fa’aletausaga o va’alele savili i Kanata ma fa’atino ai loa lenei sainiga lima.



236 views

Comments


bottom of page