top of page

Tali sapaia e le kolisi o Sagata Maria(St Mary’s College) le fesoasoani mai le malo o Siamani.


Tusia e Lauano Demetrius Ah Mau.


O se tasi nei o kolisi i totonu o Samoa ua maitauina le to’atele o le numera o alo tama’ita’i ua mafai ona a’otauina ma ulufale i le fa’aauauina o a’oa’oga i luga o kolisi maualuluga, e pei ona amata mai i le tausaga 9 seia fa’amae’a i le tausaga 13. O le kolisi o St Mary’s ua na’o alo tama’ita’i e mafai ona fa’aulufale ma a’otauina ai.



Ua tali Siamani i le talosaga a le kolisi e ala i le toe fa’atotogaina o le potu e fa’apitoa mo le a’oa’oinao le mataupu fa’akomepiuta(Computer Studies),e aofia ai masini fa’akomepiuta e 15 ma meafale e fa’atotoga ai le ofisa o lea potu ma le fa’aeamaluluina aua le teu maluina o nei meatotino. O le fa’atupega atoa o lenei fesoasoani e tusa ma le $30,000.00 tala Samoa.



O lenei fesoasoani o lo’o tauala mai i lalo o polokalame a le malo o Siamani e ala i le fesoasoani mo le atina’eina ma le fa’aleleia o aoga i totonu o Samoa, e le gata i le kolisi i Vaimoso ae sa fa’amanuiaina ai le tele o aoga tulaga lua ma kolisi maualuluga o Samoa.



Ua fa’afetaia ma le fiafia e le susuga i le tama’ita’i pule o le kolisi, le tina ia Lepetiaima Sina Fitu le malo o Siamani e tusa ma le galuega sa feagai ai fa’apea le taliaina o le talosaga sa tu’uina atu e ala i le toe fa’aleleia o le potu mo le a’otauina o le mataupu o Computer studies.



O le aso 9 o le masina lenei o Fepuari o le Faraile lea o le vaiaso nei, o le ‘a fa’apaia ma tatala aloaia ai loa lenei fa’amoemoe mo le fa’aaogaina i a’oa’oga a le fanau aua fo’i le amataga o le nei tausaga.



79 views

Commenti


bottom of page