26 Ianuari 2023.
I le feiloa'iga a le 'au tusitala ma Matagaluega o leoleo ua fa'amaonia ai nei e le susuga ia Papalii Monalisa Tia'i Keti le mae'a ai ona fai o le fa'aiuga o le pule maliu(coroner) ua taofia ai nei le tino maliu o le tama'ita'i pule o le TV3 ia Aotearoa Pesamino Mayer se'i mae'a ana ta'otoga fa'apitpoa ina ia fa'amautinoa ai le mafuaaga o lona maliu.
Ua fa'amaonia e Papali'i, ua mae'a ona tu'uina atu nei se tusi a le Matagaluega o Leoleo i le foma'i fa'apitoa a Fiti ina ia mafai ona aga'i mai e fa'atino ia togafitiga mo le tino maliu o le susuga ia Aotearoa aemaise o ni isi o tino maliu e to'a o lo'o ta'o'oto nei i le falemaliu e talia mafua'aga o latou maliu.
Ua fa'amanino i le afioga ia Papali'i, e o'o mai i le taimi lenei e le'o iai lava ni tagata ua masalomia pe molia fo'i se tasi e tusa ai o le maliu o le tama'itai pule o TV3.
O Aotearoa na maliu i le Aso Gafua 23 o Ianuari 2023, e maliu Aotearoa o lo'o avea o ia ma fa'auluuluga o le Ala Ata o le TV3.