top of page

Tatala aloa'ia poloketi o Mailei mo meatua'olo i Savai'i.


Fa'ata'ita'iga o le fa'atuina o le mailei mo meatua'olo i Savai'i./Ata mai i le LIVESTREAM a La'aulialemalitoa Leuatea Polata'ivao Schmidt.


Ua tatala le tasi o Poloketi a le Matagaluega o Fa'atoa'aga ma Faigafaiva mo le mamalu o le atunu'u faifa'atoaga e fesoasoani lea i le tau tu'uitiitia o pua'a aivao ua aafia ai le tele o fa'atoaga ma atina'e.


O le taeao o le Aso Lua, na tatala ai lenei fa'amoemoe i le Maota o Apita o Pisaga i Salelologa, Savai'i ma sa 'auai le Afioga i le Minisita o le Matagaluega o Fa'atoaga ma Faigafaiva ia La'aulialemalietoa Leuatea Polataivao Schmidt aemaise o le aumalaga mai i Amerika lea na malaga fa'apitoa mai e fa'ailoa le fa'aaogaina o nei mailei mo meatua'olo.


O le poloketi lenei, o se tasi o fa'amaite a le Matagaluega ina ia mautinoa e tali fa'afitauli o lo'o feagai pea ma le 'aufaifa'ato'aga ona o le fa'atama'ia pea e pua'a aivao o atina'e aemaise lava o ma'umaga.


Ua amata mea ai nei Savai'i i lenei poloketi ina ua tali mai se tasi o pa'aga a le tatou malo i Amerika lea ua aumai ni mailei lapopo'a se lua e fa'ata'ita'i ma amata ai ona fa'agasolo lea polokalame.


Foliga o le mailei mo meatua'olo.


Saunoa le Minisita o Fa'ato'aga, o lea ua okaina ni isi mailei mo meatu'olo se 10 mo le fa'amoemoe ina ia amata malie mo le au faifa'ato'aga o lea ua mae'a ona tu'uina atu talosaga i Aso o Faifa'atoaga a Upolu ma Savai'i, o mailei e 10 lea ua fuafua o le 'a fa'asafua le isi 5 mo Savai'i ae o le isi 5 mo le motu o Upolu.

Ua talaosagaina fo'i le 'au faifa'ato'aga ina ia fa'aoo atu a latou talosaga i le Sosaiete o Faifa'ato'aga i Savai'i ma Upolu ina ia mafai ai ona fa'atino le galuega mo le okaina o nei mailei.



603 views

Comentarios


bottom of page