E tusa ma le $400,000 le tau aofa'i o le galuega mo le maota a le afioga i le Fa'amasino Sili a Samoa, ia Satiu Simativa Perese e pei ona fa'apaiaina ma tatala aloa'ia i le aso Toonai o le vaiaso na te'a.
O le maota lenei, e fa'atupeina e le malo e tauala mai i seleni ua fa'aagaaga mo le Matagaluega o Fa'amasinoga a Samoa.
Saunoa le afioga i le Minisita o le Matagaluega ia Matamua Vasati Sili Pulufana, e fa'amalamalama lenei galuega mo le maota o le Fa'amasino Sili o le Fa'amasino Maualuga a le Atunuu.
O le maota lenei sa fa'aaaogaina e le afioga i le Fa'amasino talu ia Tiava'asu'e Falefatu Maka Sapolu.
O le tausaga e 2019 ina ua fa'ase'e ese le afioga ia Sapolu, sa fa'asee atu ai loa le maota lenei i le Fa'apotopotoga o Fale a Samoa mo le va'ava'aia.
I le se'ei mai ai o le faigamalo fou o loo iai nei, sa manatu ai loa ina ia toe fa'aleleia ma toe fa'aaogaina lenei maota e le afioga i le Fa'amasino Sili ma o lea sa tu'uina mai ai loa i le Matagaluega o Fa'amasinoga aua le fa'atinoina o galuega mo le afioga i le Fa'amasino Sili.
E tele ni isi o galuega sa toe faia i le nei fale, lea e tusa ma le $447,747 ma sa fa'atupeina mai i tupe fa'asao a le matagaluega.
O le fa'amoemoe maualuga a le faigamalo, ina ia malu puipui ma amana'ia le tulaga maualuga o le tofiga o le Fa'amasino Sili a le atunuu.
O lenei sauniga na auai sui o le malo, afioga i le Minisita o le Matagaluega o Fa'amasinoga a Samoa, Komesina ma le Matagaluega o Leoleo aemaise o sui o le Fa'amasinoga a Samoa.
Comments