top of page

''Tautua ma le fa'amaoni aua le fefe aua le fa'aituau i le fa'atinoina o le tautua mo le atunu'u.''


Photographer: Lauano Demetrius Ah Mau

O loimata o le fiafia ma le fa'aeaina o se fa'amoemoe sa feagai ai, o uiga ia o le taeao nei i le hall a Tupulaga a le Ekalesia Fa'apotopotoga Kerisiano Samoa i Sogi i le lolof atu o matua ma aiga o le vasega fa'au'u o ali'i ma tama'ita'i leoleo ua fa'au'uina ma agava'a e avea ma malu o le malo ina ua mae'a le 18 vaiaso sa feagai ai ma a'oa'oga i le tulafono ma mataupu eseese fa'apea vaega uma o le galuega fa'aleoleo.


O le afioga i le minisita o le Matagaluega o Leoleo ma Falepuipui ma le Ola Toe Fuataina Hon. Faualo Harry Schuster sa saunoa o le lauga autu e fai ma sui o le malo e fa'afetaia ali'i ma tama'ita'i leoleo ua fa'au'uina i lenei taeao, na ia saunoa ai i le taua o le galuega fa'a leoleo ma le tautua mo Samoa.


Na toe apoapoa'i le minisita e ala i lana toe fa'amanatu e fai ma oso o le vasega fa'au'u ina ia tautua ma le fa'amaoni ma aua le fefe, aua le fa'aitua'u i le fa'atinoina o le tutu i totonu o le atunu'u ma ia atagia i so'o se fa'atinoiga ma so'o se matafaioi le amiotonu aua o le ogatotonugalemu lea o le galuega fa'aleoleo.


O le ali'i o Tana'i Nanai Sala Iukarisi sa sili aoao ma fa'auluulu iai le tufatufaina o fa'ailoga fa'apitoa mo le vasega fa'au'u i lenei tausaga 2024.




コメント


bottom of page