04 Setema 2023: Ua amata aloa'ia polokalame fa'agasolo o le Teuila inle tausaga lenei 2023 e pei ona tuufaatasia e le Ofisa o Tagata Maimoa mai i Samoa.
O le taeao nei o le Aso Gafua, ua amatalia ai ta'aloga faaleaganuu i tua ane o le Fale o le Mālō o loo 'auai ai ni isi o Ekalesia mai i Nuu ma Afioaga na lautogia.
Na amata i le lalagaina o le 'ato fu'eumu, ma sa amata i le vāega o tama'ita'i ona sosoo lea ma le itūpā o ali'i.
E fa(3) nuu sa auai e aofia ai ma le a'oga Sāmoa mai Niu Sila. O le aumaga a Falevao, Ekalesia Metotisi a Satapuala ma le EFKS a Letogo o loo auai i lea faamoemoe.
Ua tatala foi fefataua'iga mo oloa i tua ane o le Fale Samoa o tagata maimoa mai i Mulivai.
O isi polokalame e aofia ai faaaliga o le tapenaina o taumafa Samoa, vaneina o meataulima ma le tagātatau i le Nu'u o Aganu'u i tua o le Fale Samoa a Turisi, ona taualuga ai lea i faafiafiaga fa'aleaganuu i le afiafi.