O le afiafi o le Aso Sa 28 o Ianuari 2024, na faasilasila mai ai e le Matagaluega o Leoleo le sailia ai lea o se tamaitai 13 tausaga o Leulumoega Tuai.
O le suafa o le teneitiiti o Vaimania Malu, o se vaaiga mulimuli o loo ia laeiina se mitiafu lanu moana ma se ofivae vaepupuu lanu uliuli, ma le ie piniki o loo fusi ai lona sulugatiti.
Na tuua e Vaimania lona aiga i le aso Toonai 27 Ianuari 2024.
Ae o le isi tamaitiiti o loo tau sailia foi e leoleo ona ua mafatia lava si ona aiga e tau saili se mea o iai. O Raider Faaleaga Toalepai poo Junior Toalepai lona igoa, e 11 tausaga lona matua mai i le nuu o Vaipuna.
O loo ta'ua e si ona aiga, o Raider e iai aafiaga tumau o lona soifua, o le taimi mulimuli na vaaia ai e lona aiga o le aso 21 Januari 2024 pe tusa o le 3pm i le afiafi. O lo’o ia laeiina se ofuvae lanu uliuli ma se mitiafu efuefu.
Ua talosagaina e le Matāgaluega o Leoleo, ia soo se isi e tau silafiaina se nofoaga o iai lenei tamaitiiti, ia vae ona logo le Ofisa o leoleo i le 22222.
Ua fautuaina foi e le Matāgaluega le atunuu ma matua ina ia mataituina le saogalemū o fanau.