To'atele sui tuai o le Manu Samoa 7's ua toe filifilia mo le ta'amilosaga i Madrid.

O le aoauli o le aso lea sa fa'asalalau fa'alauaitele ai le lisi o le 'au ta'ito'a fitu a Samoa le Manu Samoa 7's, lea ua fa'asauni ma tapena mo le fa'aauauina o vae ole ta'amilosaga ta'aito'a fitu a le lalolagi ole HSPC SEVENS.

O le tala fiafia o lea ua toe taliu mai se tasi o ali'i ta'aalo malosi ole 'au a le atunu'u le ali'i o Va'a Apelu Maliko lea ua toe filifilia ma tusi aao iai le susuga le faiaoga ulu ia Muliagatele Fata Brian Lima e ta'alo mo lenei ta'amilosaga ma o ia fo'i o le kapeteni mo le Manu Samoa Sevens i le ta'amilosaga i Marid.

E le gata ua toe filifilia Va'a fa'apea ai le nisi o ali'i ta'aalo sa le'i mafai ona maua le avanoa e filifilia ai ma ta'aalo i vae o le ta'amilosaga ta'ito'a fitu a le lalolagi ua mae'a ona sa feagai ma manu'aga tuga, a'o lea ua toe maua le malosi ma maua le avanoa e toe ta'aalo ai i le 'au ta'ito'a fitu a Samoa e pei ona iai Steve Onosa'i, Motu Opetai ma Tuna Tui Tama lea ua filifilia i le 13 o ali'i ta'aalo a le Manu Samoa Sevens.

E to'a fa ali'i ta'aalo lea ua fa'ailoa mai ua le mafai ona filifilia ma agava'a e ta'aalo i le ta'amilosaga lenei talu ai o lo'o feagai ma manu'aga o le tino, o nei ali'i e aofia ai Paul Scanlan, Vaovasa Afa Su'a, Levi Milford, Bj Telefoni Lima.

O le aso 31 o le masina lenei o Me o le a tatala aloaia ma amata fa'agasolo ai loa ta'aloga seia paia le aso 2 o le masina o Iuni o le tausaga lenei 2024 e fa'amaea ma fa'atino ai sailiga siamupini mo lenei ta'amilosaga.

Manu Samoa 7's Team List.

1. Va'afauese Apelu Mariko (captain)

2. Motu Opetai

3. Dan Patelesio

4. Faafoi Falaniko

5. Elisapeta Alofipo

6. Malakesi Masefau

7. Paul Eti Slater

8. Des Sepulona Faoa

9. Taunuu Niulevaea

10. Steve Onosai

11. Neueli Leitufia

12. Tuna Tuitama

13. Enosa Afemai

Head Coach: Muliagatele Fata Brian Lima

Assistant Coach: Tausa Fa'amoe Fa'amaoni Lalomilo

Performance Analyst: Junior Narayan

Physiotherapist: Nathan Foulagi