To'avalu atunu'u e tauvava i le Miss Pacific i le masina nei.

13 Ianuari 2023.

Ua fa'amaonia nei le talimalo ai o Samoa i le tauvaga tele o le Miss Pacific Island 2023 i le aso 4 o Fepuari 2023.

E amata le tauvaga i vaega ta'itasi i le fa'ai'u o le masina nei o Ianuari i le aso 29 aga'i i le Aso 4 o Fepuari ona taualuga lea i le tauvaga tele i le aso Faraile 4 o Fepuari 2023.

Ua tolu nei tausga talu ona tolopo lenei tauvaga tele a le Pasefika ona o a'afiga na feagai ai Samoa ma le Koviti 19.

I le toe tatala ai o tua'oi fa'avaomalo o lenei ua toe fa'ataunu'uina ai nei lenei fa'amoemoe maualuga ma o le'a talimalo ai Samoa.

O le tama'ita'i tausala o Samoa na pale mai i le tausaga e 2018 ia Fono'ifafo Seumanu Mcfarland lea o lo'o iai nei le pale o le Miss Pacific Island.

E valu atunu'u o le Pasefika o le'a tauva i lenei fa'amoemoe, o Amerika Samoa, Cook Island, Kiribati, Nauru, Papua New Guinea,Samoa, Solomona ma Tahiti.