Toe kolosi ese le Tuuga Fautasi mai i le polokalame o le Teuila 2023.

Little Rina/ AD Tana.

21 Aukuso 2023: Ua tali le fesili sa iai i le vaiaso na te'a, na fesiligia ai le fai ma le lē faia o se tuuga fautasi o le tausaga nei 2023 i le Teuila.

I pepa o le polokalame o le Teuila na faasalalauina i le vaiaso ua tuana'i, sa agiga ai le Tuuga Fautasi ma le tulaga faailoga fesili sa iai.

Aepeita'i o lea ua faamaninoa ma faamautinoa mai e le Ofisa o Tagata Maimoa mai i Samoa, ua le mafai ona faataunuuina lea faagatama i le tai e pei ona sa fuafuaina.

Ua kolosi aloaia ai le Tuuga Fautasi i totonu o le lisi o poloakalame o le Teuila 2023.

E le'o manino po'o le ā se mafuaaga ua toe sui ai le polokalame.

E aumai le suiga lenei, ae ua silia ma le 3 vaiaso o toleni auvaa a isi nuu sa faamoemoe e auai ma tauvā.

Na gata mai tuugafautasi o le Teuila i le tasuaga e 2016 lea na manumālō ai le Little Rina mai Toamua.