top of page

Toe tofia Maiava Atalina Ainuu Enari e avea ma Kovana mo le Central Bank Of Samoa.

26 Ianuari 2024,




Ua fa’ailoa fa’alauaitele nei le toe tofia ai o le afioga ia Maiava Atalina Ainuu Enari i le tofiga o le Kovana o le faletupe tu totonu o Samoa (Central Bank of Samoa) e  tusa ma se pepa o fa’amatalaga mai le ofisa so’oupu a le malo, ma o ia fo’i o lo’o fa’auluulu ai lenei auaunaga taua a le malo.


O le tausaga e 2011 na tofia ai Maiava e avea ma Kovana o le fale tupe tu totonu o Samoa le Central Bank Of Samoa ma o ia fo’i o se ulua’i tama’ita’i ua umia ma tofia e tauave lenei tofiga taua.


O le afioga ia Maiava o lo’o umia ni fa’ailoga taualoa e pei ona iai le Bachelor of Business in Economics, Banking and Finance mai i le iunivesite o Southern Queensland(Australia), Master of Science in International Economics, Banking and Finance mai i le iunivesite o Uelese(Wales) Bachelor of Law, Profedssional Diploma in Legal Practice, Professional Diploma in Legal Drafting mai i le Iunivesite o le Pasefika i Fiti ma Vanuatu.


O le faletua po’o le afioga ia Maiava Atalina Ainuu Enari ua silia ma le 30 tausaga o lana tautua i le faletupe tu totonu o le atunu’u le Central Bank of Samoa. E ono tausaga o le ‘a ia tau avea ai  lenei tofiga e tusa ma aiaiga o lana konokarate.

169 views
bottom of page