Ua fiu lava e toe taumafai ua leai lava se mea e mafai i le malosi o le alii mai Saina o Zhilei.
O le fusuaga pitosili lea ona mata'ina i lē sa umia fusi a le lalolagi o Joe Joyce lea na toe lu'iina le alii o Zhilei ina ua faia'ina i le lā fusu'aga i le masina o Aperila i le tausaga lenei 2023.
E ui i se taumafai a Joe Joyce ina ia ausia tulaga maualiga e mafai ai ona avea ma Siamupini o le lalolagi aepeitai e le'i tuuavanoa iai Zhilei.
O le taamilosaga lona tolu na lalafo uma loa iai e Zhilei lona malosi i le alii o Joe ma fa'amāe'a ai ma le fusu'aga.
I le faatalanoaga ma Zhang i totonu o le maea ina ua fesiligia le isi laasaga o le 'ā oo iai pe 'ā māe'a lenei fusu'aga, ae na tā'ua o le 'ā sauni e lu'i le siamupini o fusuaga a le lalolagi ia Tyson Fury.
"Mo le aumatamata, ou te fia fesili atu; pe outou te fia va'ai ae ou fa'amutaina i le olaga fusu o Tyson?".
O Zhang sa pine siliva i taaloga o le Olimipeka i le tausaga e 2008 ma o se ali'i fusu i lona agavale.
I le māe'a o le fusuaga ma malolo faalua ai le alii fusu o Joe Joyce, ua ia faailoa ai i le lalolagi; e leo se taimi nei e mālōlō ai mai i faipelega.
O Joe Joyce ua faalua ai lea ona faia'ina i se tagata fusu e toatasi talu ona avea ma tagata fusu faapolōfesa i le tausaga e 2017.