Ua salalau tala i le tuua ai o le mālō e se tasi o poututoa o le Gagana Samoa i Niu Sila i lenei vaiaso.
O le tinā matua ia Meleganuu To'alepaiālii Ah Sam, ua iloga lona sao i aoaoga i le mālō o Niu Sila i le silia ma le 40 tausaga.
Na faateia le toatele i lea tala ona e lei iai se isi e talitonu o le taimi lenei o Mele e pei ona iloa ai, talu ona o se tinā mālō e pei foi ona taulamua i le Faaaliga o Aganuu a ao maualuluga i Niu Silia i le masina ua tuanai.
O Mele, na avea ma faiāoga o le Gagana Samoa i le Kolisi o Magele i le tausaga e 1990, o se tinā na ia faavaeina foi le uluai mataupu o le Gagana Samoa i lea Kolisi.
O le tausaga e 1993, na tofia ai e taitai le Komiti mo fuafuaga ma polokalame o le Faaaliga Aganuu a Aoga (ASB Polyfest).
O le telē o lona sao i le aoaoina o gagana aemaise o fanau i aoga i Niu Sila, sa amanaiaina ai lana tautua i se faailoga mai i le Kovana Sili o Niu Sila ia Cindy Kiro, ua ta’ua o le Member of New Zealand Order of Merit (MNZM).
O le afioga ia Meleganu'u o se tamālii na utuvai mai ai le toatele o alo ma fanau i le Gagana i le tele o tausaga.
O le tausaga lenei, lona tausaga mulimuli ao avea ai ma Faauluuluga o le Malae o Samoa i Faaaliga o Aganuu, Gagana ma Agaifanua i le Polokalame ua faaigoaina o le ASP Polyfest.
Momoli atu faamaisega i le aiga faanoanoa.