top of page

Tusa lava po'o le a le solitulafono o le tagata, e puipuia ona aia tatau i lalo o le faavae o Samoa.


Photographer: Demetrius Ah Mau.


O le fa'amanatu lea a le afioga i le Komesina o le Matagaluega o leoleo ia Auapa'au Logoitino Filipo, i le vasega o le 'au fa'au'u o leoleo fou mo le falepuipui i Tanumalala i le Aso Lulu 1 o Novema 2023.


O leoleo fou nei e 20, na fa'amanuiaina mai ina ua mae'a ni a'oa'oga tau i tulafono ma gaioiga sa faia i le 12 vaiaso ma ua fa'aaopoopo atu ai nei i leoleo o lo'o galulue i le falepuipui i Tanumalala.


O le sauniga o le fa'au'uga mo Ofisa fou sa fa'apaiaina i se sauniga lotu na tapenaina e le susuga i le fa'afeagaiga o Rev. Dr Alesana Pala'amo, na fa'amanatu ai i leoleo fou le taua o le latou vala'auina pe 'afai e fa'amaualalo o latou loto ma savavali fa'atasi ma le Atua i le fa'atinoga o tiute fa'aleoleo.


I le mae'a ai o vaiaso e 12, ua fa'amausaliina ai le naunauta'iga o mnei alo ma fanau o le atunu'u e ofo le soifua e tautua Samoa aemaise o le fa'aaogaina o agava'a ma o latou silafia ua mafai ona maua mai i a'oa'oga sa feagai ai.


O le afioga i le Komesina o Leoleo, Auapa'au Logpoitino Filipo na saunoa e momoli le fa'amalosi'au leoleo fou ua pale mai i le galuega.


O le fa'amanatu a le Komesina o leoleo, ia manatua e nei alo ma fanau ua fa'au'uina le taua o le latou vala'auina ma le tautoga ua mae'a ona fa'atino i luma o le afioga pa'ia a le Atua. O lenei tautoga o lo'o afifi ai le loto fa'amaoni ma le faia lea o galuega e aunoa ma le fefe ma le fa'aitu'au.


O le isi o vaega a le saunoaga a le Komesina, o le fa'amanatu atu lea i malu o le malo o se vaega o le tautoga o lo'o aiaia ai le taua o le aia tatau o tagata e solia tulafono.

"So'o se tagata lava, tusa lava po'o lea lona leaga ma le solitulafono, o lo'o malu puipuia o latou aia tatau i lalo o le fa'avae maualuga o Samoa".


O le tama'ita'i Ofisa o Gaula Misilei Fa'aofo, ua tulaga muamua i le vasega lenei o l e 'aufa'au'u o le tausaga 2023.


Vasega fa'au'u o le tausaga 2023:


Corrections Officer Gaula Misilei Faaofo (Dux of the Class 2023)

Corrections Officer Solomona Posenai (Students Choice 2023)

Corrections Officer Vanessa Seuoti (Excellence in Initiative)

Corrections Officer Malaeto’imea Saili (Excellence In Fitness 2023)

Corrections Officer Momoe Lauese (Most Discipline 2023)

Corrections Officer Melisa Meleisea (Excellence Team Spirit 2023)

Corrections Officer Lenetty Solomona Tavu’i ( Best All Round 2023)

Corrections Officer Eddie Tolovae

Corrections Officer Faasinoala Ti’a

Corrections Officer Onesemo Moefa’auo

Corrections Officer Boaz Jeremiah Vaefaga

Corrections Officer Folole Semu Talifilemu

Corrections Officer Otila Peter Ah Fook

Corrections Officer Avele Solofuti

Corrections Officer Agamalu Ofisa Faalogo

Corrections Officer Pio Pinati

Corrections Officer Kerisiano Kerisiano

Corrections Officer Arrigona Masoe

Corrections Officer Blessing Vito

Corrections Officer Ropati Lepou

463 views

Comments


bottom of page