28 Setema 2022
PC: Facebook
Ua valo'ia 'e le ofisa o faigafaiva aemasie o le ofisa o le tau le taina lea o le palolo i le aso 17 o le masina o Oketopa i Samoa nei.
Na fa'amaonia mai ese tasi o sui o le va'ai tau ile Blutv i luga ole telefoni, e tusa ai ma le tau a le Ofisa o le Tau o le aso 17 o Oketopa e tatau na ta ai le palolo i le mae'a ai o le vaiaso o le lotutamaiti.
I tausaga ua mavae o le masina lava o Oketopa e masani lava ona ta ai le palolo mo le motu o Savaii ae o le masina o Novema e tele ina ta ai ile motu o Upolu.
I fa'amaumauga i tausaga ua tuana'i o lo’o maua ai le maualuga o le alaga seleni a Samoa aemaise lava o 'aiga ta palolo e maua ai.
O le i'a o le palolo e fa'atasi pea fa'alua fo'i ona ta i le tausaga i masina o Oketopa po'o Novema.
I nai tausaga ua mavae na molimauina ai le itiiti o le palolo na maua i masina e lua i gataifale o Samoa ma ua iai ni lagona o le ofisa o faigafaiva, o mafuaaga e ono o'o ai i lea tulaga e mafua mai ona o le fa'aleagaina o le tele o 'amu o le gataifale aemaise lava o fesuia'iga o le tau ma le tulaga o lo'o iai galuega a le tagata e ala i le fa'aaogaina lea o vailaau ma fagaofe e mafua ai ona leaga 'amu ma a'au i Samoa ma ona gataifale.
Ua va'aia foi le tele o tagata ua pisi i le fa'atauina lea o 'ie leise ma tosi e su'i ai a'a ta palolo ae o nisi o faletalimalo ua fuafua a latou fa'amoemoe ma fa'apitoa mo le taimi e taina ai le palolo.
Comments