Tala mai Niu Sila
Sa tatala aloa’ia, ‘ele Minisitā mo Tagata Pasefika, le Afioga iā ‘Aupito Su’a William Sio, le vaiaso o le gagana Niuē i Ni’u Sila ‘atoa.
O le gagana Niuē ma isi gagana e 9 o le Pasefika, e aofia ai ma le gagana Sāmoa ‘olo’o ‘ave ai le amana’ia ma le fa’atāua ‘ale matagaluega o Tagata Pasefika.
O le ‘auga ‘o lenei fa’amoemoe ‘ina ia taumafai lea e fa’aaolaola ma fa’atāua le gagana Pasefika i alo ma fanau i Aotearoa. O le ‘autū o le vaiaso mole gagana Niuē i lenei tausaga o le: “Fakatūleva e Vagahau Niue mo e Tau Aga Fakamotu ma e Tau Atuhau,” - po’o le Taumafai e fa’aolaola ma faatūmau le Gagana ma le Aganu’u Niuē mo tupulaga a sau.
O le gagana Niuē ‘ose tasi lea o gagana ua ‘amata ‘ona mou atu, ma ‘ole mafua’aga lenei sā saunoa ai le Minisitā ile tāua tele o le fa'aolaola male fa'atūmauina ‘ole gagana Niuē ma isi gagana Pasefika ne’i mou atu.
E $20 miliona tupe Ni’u Sila na fa’atupe ai ‘ele mālō, mai i lana tala Fa'atatau o le Tupe 2021 e lagolago ai le fa’atāua mo gagana ale Pasefika, lea e aofia ai Niuē, ma olea fo’i ua fa’atū ai se faiga faavae mo a'oa'oga i gagana a le Pasefika i totonu o a’oga ma fale faigaluega.
