top of page

Foa'i le Amepasa o Tamaiti a le Toomaga mo e Puapuagatia i alo ma fanau o loo nonofo ai.


O le afiafi o le Aso Gafua, na toe asia ai e le Amepasa o Tamaiti a le Toomaga ia le latou nofoaga autū i Tuanaimato, ma tauaaoina atu ai masini tablets e 20 auā meaaoga a fanau, aemaise o le masini e fana ai ata tifaga e matamata ai tamaiti.

O le agaga faagaeetia o le afioga ia Muliagatele Siliniu Lina Chang, na faaalia i le alofa faifaipea o lea tamalii i le Toomaga, le susuga ia Toleafoa Larry Tupai Lavea.


O le masina na tea nei, sa faatautoina ai lea tamālii e avea ma amepasa o Tamaiti a le To'omaga mo e Puapuagatia.


Na faailoa e Toleafoa poo Papa Love ua valaau ai e fanau i totonu o le lotoā, o lona naunautaiga ia faaauau pea ona maua e fanau nei faamanuiaga mo latou aoga i le taimi nei e pei foi ona maua e ni isi.



E tasi le vaiaso o lea iai le Amepasa o Tamaiti i Samoa nei, ma o lea maua avanoa e feiloai ai ma ni isi o Minisitā o le Kapeneta, e faatalanoa ai isi manaoga auā fanau o loo toomaga i lea nofoaga.



121 views

Comentarios


bottom of page