O loo faaauau pea le sailiga o le alii Pagotā o Pati Chong Nee, o se alii pagotā ua sili ona lauiloa i le umi o se taimi talu ona sailia ina ua sola i tua ma le falepuipui, lea ua lata i le lima tausaga talu ona sola ese mai le falepuipui.
Talu mai le sola'aga a Pagotā mai i le falepuipui i le 2019, ua pei ua mou atu Chong Nee i se ea manifinifi, ma ua oo ai foi i se tulaga le mautonu tagata.
O loo iai ni isi talitonuga, atonu ua leiloa i le vao, poo le maliu auā o Samoa o se atunuu e itiiti lava.
E iai le talitonuga a le Komesina o leoleo, e lē mafainlava foi ona malaga ese atu ma Samoa lenei alii Pagotā.
O loo iai pea le lapataiga ma fautuaga a leoleo mo le atunuu ina ia mataala ma ia faailoa atu pe a iai ni isi lava faatalaga e sootaga i se nofoaga e ono masalomia o loo iai le nei alii.