top of page

Ofo e Iapani le fa'atupeina o le fale Foagafale 3 mo le a'oga fa'afoma'i a le Iunivesite o Samoa.

O le Iunivesite Aoao o Samoa o le 'a manuia fo'i i fesoasoani a le Malo tele o Iapani, e pei ona fa'ailoa e le latou Minisita o le Va i fafo ia Yoko Kamikawa i le la feiloaiga ma le Palemia o Samoa i le vaiaso na te'a nei.


O le Aso Toona'i na taunu'u mai ai i fanua le Minisita o le Va i Fafo a Iapani, ma na feiloa'i atu i le afioga i le tama'ita'i Palemia Hon Fiame Naomi Mata'afa.


Sa fa'ataunuuina se sainigalima o fesoasoani mo le fa'aleleia atili o nofoaga mo a'oga fa'asaienisi i le Iunivesite o Samoa i le Papa i Galagala, a'o le'i feiloa'i atu i le Afioga i le Ao o le Malo o Samoa.


Aepeita'i, o le nei poloketi o lo'o galulue fa'atasi ai malo e lua mo le si'itia o 'au'aunaga aua fanau o lo'o ua a'otauina i le Iunivresite.


O le toe fa'aleleia o nofoaga mo le Fa'atufugaga o le Fa'asaienisi o le 'a nafa lea ma le J.I.C.A lona fa'atinoina.


O le fesoasoani na sainia e ta'ita'i o malo e lua, e tusa o le $43, 980, 581.99, ma o lea fa'atupeina fo'i e Iapani le fausia lea o le Fale Fogafale 3 mo le Fa'atufugaga o le Saienisi.


O isi vaega o lea feagaiga, e aofia ai meafaigaluega ma isi mea mana'omia e lagolagoina ai 'au'au fa'afoma'i i le Iunivasite.


O ta'ua e le Palemia o Samoa, i nei lava fuafuaga m o le fale a le Fa'atufugaga o le Saienisi; ua fa'ailoa ai le fausia ai fo'i o se fale maimoa i totonu o le lotoa e tusa ma le 300 nofoa, 5 potu mo a'oga fa'aopoopo, potu mo su'esu'e faasaienisi, ma le potu mo faia'oga.


O le fesoasoani a le malo a Iapani e ave le fa'amuamua ua ta'oto i alafaua o le faigapa'aga ma Samoa e pei ona fa'alauiloa i le Fonotaga lona 9 a ta'ita'i o le Pasefika (PALM 9) i le tausaga e 2021.


O le malaga alo'ia a le Minisita a Iapani, ua toe fa'amausali atili ai faigapa'aga o atunu'u e lua.

267 views
bottom of page