top of page

Ta'u e Joseph Parker ia Zhang le 'ese'esega o 'bang' (tu'i).



Tusia Lauano Demetrius Ah Mau.


O le Aso To’onai na mavae nei, na feiloai ai Joseph Parker ma le ali’i fusu logologoa mai Saina, e 40 tausaga le matua ma' o se tagata tino ese. E faitau afe le au maimoa i le nofoaga na faia ai le fusu'aga i Saudi Arabia ma 'o se fusuaga ua leva ona tulimata’i ma tulituliloa e le toatele po’o lea se taunu’uga e o’o iai.


O le ali’i Saina lenei na amata fusu fa’apolofesa i le tausaga e 2014 ma ua 29 ana fusuaga fa’apolofesa, 26 manumalo, 2 faiaina, 1 le tutusa ae 21 tu’ioti, a’o Parker ua 38 fusuaga faapolofesa e 35 manumalo, 3 faiaina ae 23 manumalo i tu’i oti.


O le Aso To’ona’i 9 o Mati, na fa'ataunu'uina ai lea fusu'aga mata'ina ma manumalo ai Lupesoli'ai i le uma ai o ta'amilosaga e 12. E ui i le fa’alua ona pa'u o Parker i le malolosi tele o tu’i a Zhang ae e le’i avea ma tulaga e vaivai ai le finau e fa’afetoai le ali’i Saina lenei, molimau nisi o le lava tele o le malosi ma le manava a Parker na alai ona uma lelei ta’amilosaga e 12.


I le maea ai o le fusuaga na fa’atalatalanoa ai e se tasi o fa’asalalau Parker i totonu o le maea ma na fesiligia ai po’o le a leisi la’asaga o lo’o soso’o mo ia, na tali Joseph Parker o se taimi lata mai o le a toe feiloai ai ma Zhilei Zhang i le maea, ae o lo’o fa’aalia fo’i le toe mana’o ai o Joe Joyce e lu’iina Joseph Parker pea toe manumalo ia Zhilei Zhang.


Ua fa’atulaga mai nei Lupesoliai Jospeh Parker i le tulaga 4 i le fa’atulagaina o tama fusu o le lalolagi i lalo o aupaga mamafa, lona 3 iai Zhang ma o le a iai le suiga o nei fa’atulagana pea fa’aauaupea le manumalo a Parker i ana fusuaga olo’o soso’o mai.


151 views

Comments


bottom of page